ابراج

توقعات الأبراج اليوم الخميس 30 يوليو 2020

توقعات الأبراج اليوم الخميس 30 يوليو 2020
القمر عم يكمل ببرج القوس 

#الحمل 

علاقات جديدة وناس واخبار حلوة ..
يوم تاني عم يعطيك العلاقات الأفضل والتواصل والنجاح وكتير عم تكون مميز بكل شي بتعملو وبتنجح بالخيارات يلي ناطرتك وعندك تطورات حلوة وتواصل افضل وخاصة مع اشخاص جدد ..
عاطفيا .. بيدعمك يومك بعلاقات جديدة وتحسن كبير بالعاطفة فاستغل هالشي ..
■النسبة المئوية :
●مهنيا :%85 ●ماليا : %87 ●عاطفيا : %82 ●صحيا : %80

#الثور 

عم ترتاح نسبيا وافضل بتكون حتى ماليا ..
عم تتحسن الاوضاع عندك شوي شوي وفي حلول وأخبار ايجابية عندك عم تدعمك وتعاملات مالية واوراق ممكن تحصل عليها وتحل قصة شاغلتك وحتى صحيا وضعك عم يتحسن وفي حلول ضمن البيت ..
عاطفيا .. امورك العاطفية عم تتحسن شوي شوي وناطرك اوقات افضل مع الشريك ..
■النسبة المئوية :
●مهنيا : %70 ●ماليا : %82 ●عاطفيا : %76 ●صحيا : %73

#الجوزاء 

كتير عم تتحرك وضغط كبير عليك هالفترة ..
يبدو انك عم تعمل كتير قصص هالفترة ودايم الحركة والتواصل والعلاقات وممكن تستفيد من هالشي بشراكة شغل لكن هدي لأن عم تفوت بمواجهات كمان فحاول تحل امورك برواق هاليوم ..
عاطفيا .. ماعم تلاقي الاستقرار اللازم مع الشريك او ماعم يعرف يتعامل معك بهيك يوم ..
■النسبة المئوية :
●مهنيا : %68 ●ماليا : %65 ●عاطفيا : %67 ●صحيا : %64

#السرطان 

عندك شغل كتير وقلق صحي ..
بعدك مو مرتاح من جهة امورك الصحية ويمكن عندك اكتر من قصة شاغلة بالك ولازمك ترتيب لوضعك حتى ماتتأخر بشي وكمان لازمك نظام صحي حتى ماتتراجع طاقتك ولازم تنتبه ماليا كمان..
عاطفيا .. ماعم تلاقي وقت للشريك ولازمك راحة وانت مو ناقصك اي كلام زايد من الشريك يعني اهتمام وبس ..
■النسبة المئوية :
●مهنيا : %69 ●ماليا : %60 ●عاطفيا : %65 ●صحيا : %58

#الأسد 

بتتحسن امورك وفي اخبار حلوة وحظ ..
عم يكون عندك اخبار حلوة بتخص العيلة وحتى وضعك المالي وفي اخبار حلوة ناطرتك بتدعمك بشغلك وحتى ماليا وضعك بيتحسن وفيك تقعد مع طفل لتحسن طاقتك وكمان تفكر بوقت تقضيه مع صديق..
عاطفيا .. يعتبر يوم جيد لارتباط والاجواء حلوة لاوقات رومنسية مع الشريك ..
■النسبة المئوية :
●مهنيا : %86 ●ماليا : %82 ●عاطفيا : %87 ●صحيا : %80

#العذراء 

انتبه لعيلتك وهدي ولاتقلق زيادة ..
عم تعاني من قلق زايد على اهلك يمكن او حتى على وضعك بالبيت او بأمور عقارية ماعم تكمل عندك ولازم تهدي وتستوعب عيلتك والمقربين منك اذا بدك نهارك يمرق وكمان في لمة عيلة عند البعض ..
عاطفيا .. حاول تهدي بامورك العاطفية ولاتكبر المشاكل مع الشريك بهاد اليوم ..
■النسبة المئوية :
●مهنيا : %68 ●ماليا : %60 ●عاطفيا : %67 ●صحيا : %61

#الميزان 

اجواء حلوة لقاءات وناس وعلاقات ..
عم تتحسن الاجواء عندك وكتير اشخاص عم تشوفن او تتواصل معن بهاد اليوم وعبر السوشل ميديا عندك شعبية وحضور وعلاقات وفي اخبار بتدعمك وزيارات وناس وفكر تنجح وانتبه من الحوادث ..
عاطفيا .. وضعك العاطفي عم يتحسن بهاد اليوم وعم تكون علاقاتك على مستوى عالي هاليوم واذا عرفت تصل لقلب شخص جديد ..
■النسبة المئوية :
●مهنيا : %72 ●ماليا : %75 ●عاطفيا : %80 ●صحيا : %74

#العقرب 

انتبه لعيلتك وماتعمل مشاكل بعلاقاتك ..
بدي منك هاليوم تكون حذر بوضعك المالي خاصة وكمان بعلاقاتك مع عيلتك والأهل ولازم تحدد خياراتك لان في مشاكل عم تحصل عندك وتدايقك ويمكن في عوارض صحية ماعم تريحك فانتبه ..
عاطفيا .. انت مو كتير رايق ومو ناقصك اي مشكلة مع الشريك مشان هيك لازم يفهمك صح ..
■النسبة المئوية :
●مهنيا : %70 ●ماليا : %78 ●عاطفيا : %76 ●صحيا : %74

#القوس 

عم تتحسن اوضاعك وكل شي افضل ..
بتحس بطاقة كبيرة وعلاقاتك بتزيد وكتير اشخاص جديدة بتتواصل معك وكمان في امور مهنية بتنحل بتخص سفر او قضية كانت شاغلتك ومعنوياتك عالية لتغير الامور لصالحك وتبدا من جديد ..
عاطفيا .. وضعك العاطفي بيتحسن وانت بيوم في عاطفة قوية وجاذبيتك بترتفع وكتير عم يكون فيك تستغل هالشي ..
■النسبة المئوية :
●مهنيا : %93 ●ماليا : %88 ●عاطفيا : %83 ●صحيا : %85

#الجدي 

انتبه وحاول تحل المشاكل برواق هاليوم ..
يومك ماعم يكون منيح وفي كتير قصص عم تصير وتدايقك ولازم تعرف تتعامل معها صح خاصة صحيا وماليا وفكر تعمل شي لتحسن من نفسيتك وخليك حذر ماتثق بمين ماكان ..
عاطفيا .. وضعك العاطفي ماعم يكون مستقر وعم تحسس بانك مو مرتاح بشي ..
■النسبة المئوية :
●مهنيا : %66 ●ماليا : %61 ●عاطفيا : %60 ●صحيا : %63

#الدلو 

اصدقاء وناس وشغل ومساعدة ودعم من شخص ..
عم تشوف رفقاتك وعم يكون في قصة صحية كمان وفي شغل كتير ولازم تنهي الامور المهمة ويمكن تلاقي مساعدة من شخص قريب منك ولاتخاف كل شي بيتحسن شوي شوي بس خليك رايق ..
عاطفيا .. حاول تعرف تتعامل صح مع علاقتك وتتقرب من الشريك بهاد اليوم ..
■النسبة المئوية :
●مهنيا : %71 ●ماليا : %72 ●عاطفيا : %75 ●صحيا : %70

#الحوت 

في أخبار لشغل وعم تشوف ناس مهمة ..
بدي منك تستغل يومك بشغل جديد ممكن يدعمك وتنتبه من مشاكل متوقعة او تعب او حتى مواجهات مع المسؤولين وفي فرصة شغل او امتحان او قصة مصيرية وفكر كيف تمشي امورك وتستغل علاقات ..
عاطفيا .. عم تلاقي حالك تحت انظار كتير ناس بس انت لازم ماتفوت اي علاقة مو مضمونة ..
■النسبة المئوية :
●مهنيا : %68 ●ماليا : %75 ●عاطفيا : %72 ●صحيا : %70

#الفلكي_منيب_الشيخ

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

إغلاق