ابراج

توقعات الأبراج ليوم  الاثنين 27 يوليو 2020.

توقعات الأبراج ليوم  الاثنين 27 يوليو 2020
القمر بكرا بينتقل للعقرب 

#الحمل 

عم ترتاح اخيرا وتحصل على مال ..
بتتحسن اوضاعك بهاد اليوم وبكون عندك اخبار مالية جيدة وكمان عم تطمن على وضع صحي شاغلك وفي حلول واوراق كمان وهالشي بيدعمك على اكتر من صعيد وحاول تغير من حالتك ..
 عاطفيا : وضعك العاطفي عم يتحسن وناطرك اوقات رومنسية بعد ايام صعبة ..
■النسبة المئوية :
●مهنيا : %69 ●ماليا : %73 ●عاطفيا : %67 ●صحيا : %70

#الثور 

انتبه وهدي بالبيت وبالشغل ..
ماعم تكون مرتاح لا بالبيت ولا بالشغل ومن الايام يلي فيها ضغط كبير عليك من المقربين واعداء عم تكتر مشان هيك ساير وخليك بعيد عن المواجهات اذا بدك تمرق على خير وماتخسر باي مواجهة ..
 عاطفيا : الوضع مع الشريك عم يمرق بفترة صعبة واذا ماهديت الوضع وفهمك صح رح تخرب اكتر ..
■النسبة المئوية :
●مهنيا : %67 ●ماليا : %62 ●عاطفيا : %65 ●صحيا : %60

#الجوزاء 

عندك التزامات وشغل وامور صحية هاليوم ..
عم يكون عندك هاليوم كتير قصص فوق راسك وصح انت قادر تخلص منها الكتير بس كمان ماتهمل صحتك وحاول ترتاح وتنتبه لاكلك وفكر كمان ببعض القصص الصحية والعائلية عندك ..
 عاطفيا : الوضع العاطفي أفضل نسبيا عندك بس انت مو مرتاح ولازم الشريك يضل قريب منك ..
■النسبة المئوية :
●مهنيا : %70 ●ماليا : %66 ●عاطفيا : %62 ●صحيا : %60

#السرطان 

يوم في حب ومال واخبار حلوة ..
عم يتحسن وضعك المالي بهاليوم وحتى في قصص ضمن البيت والعيلة عندك عم تنحل ولازم تعرف تستغل هالشي لتقضي اوقات حلوة وكمان لتستفيد من مبلغ مالي وكمان في فرص جديدة ..
 عاطفيا : الوضع العاطفي عم يتحسن وغالبا في حب كبير ناطرك بهاد اليوم ..
■النسبة المئوية :
●مهنيا : %85 ●ماليا : %82 ●عاطفيا : %87 ●صحيا : %80

#الأسد 

عندك مكان جديد وقصص بالبيت ..
يبدو هاليوم عم يحملك مكان جديد او تغيير بالسكن او حتى في مواضيع عائلية وعقارية شاغلة بالك ولازم تلاقيلها حلول وحاول تهتم باهلك اكتر وتكون حكيم بحل المشاكل وماتصعد اي خلاف ..
 عاطفيا : ماعم يكون هاليوم كتير منيح بالعاطفة لكن هدي الامور زكل شي بيتحسن مع الوقت ..
■النسبة المئوية :
●مهنيا : %69 ●ماليا : %68 ●عاطفيا : %64 ●صحيا : %62

#العذراء 

عندك كتير اتصالات وقصص وشغل ..
يبدو انو يومك عم يشغلك بكتير قصص واتصالات وناس وعم ينشغل بالك بقصة بتخص أخ ولازم تعرف كيف تطور حالك وتصل للنجاح وانتبه من الحوادث ولموبايلك او سيارتك واستغل علاقاتك ..
 عاطفيا : الوضع العاطفي بيتحسن هاليوم وبكون في تواصل مع الشريك واوقات حلوة ..
■النسبة المئوية :
●مهنيا : %70 ●ماليا : %70 ●عاطفيا : %72 ●صحيا : %75

#الميزان 

عندك تعاملات مالية واستغل علاقاتك ..
بدي منك هاليوم تلاقي حلول لوضعك المالي عن طريث علاقاتك ودعم الاصدقاء والناس الك وفكر بشغل مشترك وحاول تحسن من مواردك وكمان حاول ماتتكاسل ويمكن يكون عندك عزيمة أكل ..
 عاطفيا : الوضع العاطفي ماكتير عم يمنحك الاستقرار المطلوب ولازم الشريك يفهمك ويقدر ظروفك ..
■النسبة المئوية :
●مهنيا : %69 ●ماليا : %77 ●عاطفيا : %75 ●صحيا : %70

#العقرب 

يوم مهم وحافل وفي حظ وشهرة وشغل ..
عم تتحسن اوضاعك بشكل كبير هاليوم وعندك بداية لشغل جديد وعم تقدر تنجح وتثبت حالك وفي فرصة للشهرة عند البعض والعيون كلها عليك مشان هيك خليك حاسم واشتغل على ترقية او منصب ..
 عاطفيا : وضعك العاطفي بيتحسن وخاصة انو في اشخاص على مستوى بتتواصل معك هاليوم ..
■النسبة المئوية :
●مهنيا : %92 ●ماليا : %84 ●عاطفيا : %88 ●صحيا : %86

#القوس 

انتبه بعلاقاتك وسفر وهدي هاليوم ..
يبدو هاليوم في شوية مشاكل او تأجيل ببعض القصص وخاصة امور العلاقات والسفر عندك مشان هيك هدي وحاول تحل الأمور برواق وفكر كيف تعزل حالك عن بعض الاشخاص وكمان انتبه من الحوادث ..
 عاطفيا : ماعم يكون يوم جيد بالعاطفة وعم تحس انو بدك حب بس مابدك ترتبط ..
■النسبة المئوية :
●مهنيا : %68 ●ماليا : %66 ●عاطفيا : %64 ●صحيا : %60

#الجدي 

يوم بعلاقات حلوة واجواء اجتماعية ومالية ..
عم تزيد شعبيتك وحضورك عم يكون محبب لكتير ناس بهاليوم وكمان عندك عزيمة او مناسبة وغالبا في دفع مال كتير فانتبه وفكر كيف تتقرب من الاصدقاء وتصالح بعض الاشخاص لتكون أفضل ..
 عاطفيا : الوضع العاطفي عندك منيح وفي علاقات عم تفرح قلبك بهاد اليوم ..
■النسبة المئوية :
●مهنيا : %72 ●ماليا : %74 ●عاطفيا : %71 ●صحيا : %68

#الدلو 

ضغط بعلاقات بالمسؤولين وفي شغل ..
عم تفكر بعقود شراكة او شغل جديد لكن توترك وانفعالك بأعلى مستوى وهالشي بحطك بمواجهات مع المسؤولين والأب ضمن البيت ولازم تهدي وتستوعب الوضع وتنتبه من الناس يلي عم تعاديك ..
 عاطفيا : الوضع العاطفي عندك عم يتأثر بوضعك وماعم تستقر بعلاقتك ..
■النسبة المئوية :
●مهنيا : %70 ●ماليا : %66 ●عاطفيا : %72 ●صحيا : %65

#الحوت 

علاقات وناس وشغل وتحسن صحي ..
كل شي بهاليوم عم يكون افضل عندك من الفترة الماضي يلي كانت متعبة عندك واهم شي انو وضعك الصحي بيتحسن وبتقدر تنجز كتير من شغلك المتراكم وفي امكانية انك تحصل على مال ..
 عاطفيا : الوضع العاطفي جيد وفي فرصة ليدخل حياتك اشخاص جدد هاليوم ..
■النسبة المئوية :
●مهنيا : %86 ●ماليا : %80 ●عاطفيا : %84 ●صحيا : %81

#الفلكي_منيب_الشيخ

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

إغلاق