اخبار الفن

توقعات الأبراج ليوم الخميس 16 ابريل 2020

توقعات الأبراج ليوم الخميس 16 ابريل 2020

#الحمل

امورك تمام بالعلاقات والناس والطاقة ..
من افضل الايام لتعزز فيها وضعك وعلاقاتك الاجتماعية وتجمع ناس معك بتدعمك وبكون في تواصل مع اصدقاء جدد وفي تغييرات ايجابية بيدعمك فيها شخص مقرب وشعبيتك بأعلى درجاتها ..
عاطفيا .. فيك تعيش اجواء حلوة عاطفية وتحسن من حالة قلبك وخاصة انو المعجبين كتار ..
■النسبة المئوية :
●مهنيا : %79 ●ماليا : %68 ●عاطفيا : %73 ●صحيا : %66

#الثور

انتبه لوضعك بالبيت ومن تشويه سمعة ..
يبدو انو في ناس مابتردلك الخير عم تحاول تأثر عليك بقصص الييت والشغل ولازم تكون رايق وتثبت حالك بهدوء وخاصة قدام المسؤولين ويمكن عم ينشغل بالك على حدا من عيلتك وانتبه لصحتك هاليوم ..
عاطفيا .. الوضع العاطفي عندك ماعم يلبي طموحاتك ومافي استقرار بالمجمل وهدي هاليوم ..
■النسبة المئوية :
●مهنيا : %68 ●ماليا : %66 ●عاطفيا : %69 ●صحيا : %63

#الجوزاء

بتوسع علاقاتك وعندك نجاح وحركة هاليوم ..
من الايام يلي بتكون فيها قادر تصل لاي شخص بدك ياه وبتتواصل مع اصدقاء بعاد عنك وبكون في علاقات جدية وناس بتدعمك واخبار حلوة ونجاح بالتواصل وعندك لقاء او اتصال مع صديق غالي عليك ..
عاطفيا .. امورك العاطفية بوضع ممتاز وخاصة انو جمالك عم يزيد هالفترة فاستغل هالشي بحب جديد ممكن .. عاطفيا ..
■النسبة المئوية :
●مهنيا : %87 ●ماليا : %84 ●عاطفيا : %85 ●صحيا : %81

#السرطان

اوضاعك أفضل لكن خليك حاسم وانتبه ماليا..
عم تبلش امورك المالية تشغلك ولازم تفكر بموارد جديدة وحلول وخاصة مشان البيت عندك وفي فرصة انك تحصل على مبلغ لكن كمان لازم تحدد خياراتك وتحسم امورك ببعض القصص المأجلة عندك ..
عاطفيا .. عاطفتك كتير عم تكون قوية وفي امكانية انك تقضي وقت حلو مع الشريك ..
■النسبة المئوية :
●مهنيا : %71 ●ماليا : %75 ●عاطفيا : %73 ●صحيا : %67

#الأسد

هدي هاليوم وفكر صح وماتنفعل ..
وجود المريخ مع القمر بالبيت المقابل الك باثر بشكل كبير على علاقاتك وشراكاتك ولخليك تحس انك متل القنبلة بس بدك تنفعل ولازم تروق وتفكر بشراكة شغل تدعمك وتبعد عن الاشخاص يلي ممكن تستفزك ..
عاطفيا .. بعض الامور الخاصة بالعلاقة عم تخليك مدايق ولازم الشريك يفهمك ويهتم لرأيك ..
■النسبة المئوية :
●مهنيا : %65 ●ماليا : %63 ●عاطفيا : %66 ●صحيا : %59

#العذراء

عندك اخبار شغل وقصص صحية ومال ..
لازم تخفف هاليوم قلقك الصحي يعني لازم تنتبه بس مو تزودها وكمان ترتب امور يومك وتخلص امورك الهامة وكمان عندك قصص مالية عم تشغلك ولازم تحلها وفي مسؤوليات كتيرة وممكن فرصة شغل جديد ..
عاطفيا .. حاول تستغل عاطفتك بهدوء لأن بعض التفاصيل بعلاقتك العاطفية بتخليك تحس بعدم رضا ..
■النسبة المئوية :
●مهنيا : %69 ●ماليا : %64 ●عاطفيا : %62 ●صحيا : %61

#الميزان

الأخبار جيدة عندك وخاصة العاطفية ..
عم تتحسن حالتك وعندك قصص بالبيت وبتخص عيلتك عم تلاقي الها حلول وحتى في شي بخص مال ممكن يجيك فجأة وفي افكار لشراكة شغل جديد وعم تلاقي حالك عندك حظ وقادر تغير وضعك ..
عاطفيا .. عم تكون الاوضاع جيدة عاطفيا وفيك تستغل يومك لتكون بأفضل حال ..
■النسبة المئوية :
●مهنيا : %82 ●ماليا : %83 ●عاطفيا : %85 ●صحيا : %81

#العقرب

عندك التزامات بالبيت ومسؤوليات وامور صحية ..
عم تشغلك هاليوم كتير التزامات بتخص البيت وأهلك وحتى ممكن تعمل تعزيل لبيتك وتغير من الديكور بهيك يوم وبكون في شغل كتير وقصص صحية عم تشغلك ضمن عيلتك وهدي الوضع مع الاهل ..
عاطفيا .. ماعم تكون راضي عن العلاقة وعم تشغلك كتير امور عن الشريك بهاليوم ..
■النسبة المئوية :
●مهنيا : %65 ●ماليا : %67 ●عاطفيا : %63 ●صحيا : %60

#القوس

عندك اوقات حلوة ومال وعلاقات ونجاح ..
يبدو انو عندك يوم عم يدعمك بكتير خيارات وعلاقات وعم تكون ناجح بتواصلك بالرغم من انو المريخ بالدلو بحذرك من الحوادث ومشكلة مع اخ بس اطمن في اوقات حلوة واتصالات كتير وشي مهم عالانترنت ..
عاطفيا .. عم يكون تواصلك مع الشريك بافضل حالاتو وخاصة من ناس زمان ماحكو معك ..
■النسبة المئوية :
●مهنيا : %73 ●ماليا : %75 ●عاطفيا : %70 ●صحيا : %72

#الجدي

رتب امور البيت والشغل والمال عندك ..
عم تحس بكتير ضغط عليك وعم تكون المسؤولية عليك بالبيت وحتى بوضعك المالي وعموتحس عم تصرف كتير وفي تغييرات عم تحصل او عم تشتري اشيا للبيت وعم تصرف زيادة على اهلك فانتبه ورتب امورك..
عاطفيا .. عندك كتير قصص ببالك ولازم الشريك يفهم هالشي ويحاول يضل قريب منك ..
■النسبة المئوية :
●مهنيا : %68 ●ماليا : %71 ●عاطفيا : %69 ●صحيا : %67

#الدلو

أخبار حلوة واجواء ايجابية وتواصل وعلاقات ..
من أفضل الايام يلي عم يكون فيها اجواء ايجابية وعلاقات على مستوى ونجاح كبير وبدايات جديدة وفيك تعمل شي مهم وتغير من حالتك وخاصة عبر السوشل ميديا وبعلاقاتك يلي عم تكون الافضل ..
عاطفيا .. الأمور ايجابية عندك وفي اخبار حلوة بتحصل عليها بهيك فترة فاستغل الامور ..
■النسبة المئوية :
●مهنيا : %93 ●ماليا : %84 ●عاطفيا : %87 ●صحيا : %81

#الحوت

ماعم تعرف ترتاح وهاليوم انتبه فيه ..
يبدو انو الحالة الفلكية هاليوم ماعم تكون تمام الك وخاصة بامورك المالية والعائلية وبعض العلاقات ولازم تنتبه وتروق وتحاول ماتأمن لأي شخص اذا بدك اوضاعك تضل تمام ويوم وبيمرق بس خليك منتبه ..
عاطفيا .. الوضع العاطفي ماعم يريحك وفيك تعيش اوقات ايجابية بس ماعم تكون راضي هاليوم ..
■النسبة المئوية :
●مهنيا : %67 ●ماليا : %63 ●عاطفيا : %60 ●صحيا : %59

ملاحظة: هذه التوقعات  حسب مانشرها الفلكي منيب الشيخ على صفحته الشخصية على الفيس بوك .

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

إغلاق