ابراج

توقعات الأبراج ليوم الأثنين 23 مارس 2020

توقعات الأبراج ليوم الأثنين 23 مارس 2020

#الحمل

مرق يومك بدون مشاكل وهدي وانتبه ..
عم شوفك ماكتير مرتاح ويمكن عندك قصص عم تخليك قلق لكن ماتخاف يوم وبيمرق وانشالله كل شي بعدها بيرجع تمام وحاول تنتبه من بعض الناس يلي بدها تحتال عليك وروق وانتظر حلول قادمة ..
عاطفيا .. وضعك العاطفي عم يتحسن لكن هاليوم توقع كل شي وروق بعلاقاتك ..
■النسبة المئوية :
●مهنيا : %67 ●ماليا : %62 ●عاطفيا : %59 ●صحيا : %66

#الثور

العلاقات تمام واستغل الامور المهمة بيومك ..
من الايام الحلوة هالفترة مشان هيك حاول تستغل هالشي وغالبا رح يكون عندك زيارة او تشوف ناس غالية عليك فحاول تكون ايجابي وتخلص امورك المهمة بالبيت واذا عندك شغل كمان وتطلب مساعدة ..
عاطفيا .. الفترة الحالية عندك جاذبية كتير كبيرة فاستغل الامور لصالحك تدريجيا ..
■النسبة المئوية :
●مهنيا : %75 ●ماليا : %68 ●عاطفيا : %70 ●صحيا : %66

#الجوزاء

انتبه بتعاملاتك وماتخالف القوانين هاليوم ..
عم يكون عندك يوم مهم وبدك تعرف تتصرف فيه وخاصة انو علاقاتك ماعم تكون بافضل حال وخاصة مع الناس المسؤولة عنك او بشغلك ولازم ماتخالف القوانين وتفكر اكتر بشهرة ممكنة ..
عاطفيا .. انت بحالة عاطفية شوية متقلبة وماعم تعرف تستقر بعاطفتك هالفترة ..
■النسبة المئوية :
●مهنيا : %69 ●ماليا : %64 ●عاطفيا : %70 ●صحيا : %72

#السرطان

الاجواء ايجابية ويومك في حلول ..
عم تفكر بامور جديدة وعم تفكر تغير من روتين حياتك هاليوم وفي حلول ناطرتك ونجاح اكبر بعلاقاتك وحاول تستغل هاليوم بشكل ايجابي وتبعد عن الافكار السلبية ..
عاطفيا .. الفترة الحالية عم تكون مفصلية بعلاقاتك ويبدو في شي حلو قادم الك ..
■النسبة المئوية :
●مهنيا : %87 ●ماليا : %82 ●عاطفيا : %85 ●صحيا : %80

#الأسد

عندك تعاملات مالية وفي ارتياح نسبي ..
بشوفك عم تطلع من الضغط بهيك يوم وفي اجواء ايجابية عندك بتدعمك وخاصة انك عم تلاقي حلول ويمكن تحصل على مبلغ وعم تغير وضعك وبتحل قضية كانت تاعبتك وعندك تطورات ايجابية ..
عاطفيا .. العاطفة عم تتحرك بشكل ايجابي لصالحك وفي اخبار بتريحك من جهة الشريك ..
■النسبة المئوية :
●مهنيا : %69 ●ماليا : %78 ●عاطفيا : %70 ●صحيا : %75

#العذراء

الوضع مقلق الك وانتظر حلول قادمة ..
بعدك عم تشعر بنوع من القلق وماكتير رايق ويبدو انت بحاجة لناس تدعمك نفسيا وتكون اقرب من عيلتك هي الفترة وماتتوتر لان هالشي عم يزعجك كتير لكن فرصة لتشارك حدا اذا كنت حذر ودبلماسي ..
عاطفيا .. ماعم تكون بافضل حالاتك ولازم ينتبه الشريك لانك منفعل زيادة ..
■النسبة المئوية :
●مهنيا : %68 ●ماليا : %60 ●عاطفيا : %66 ●صحيا : %63

#الميزان

بعدك بامور صحية وعائلية ولازم ترتب حياتك ..
حاول ترتب امور حياتك هاليوم وتروق مع عيلتك وتفكر اكتر باستقرارك ووضعك الصحي وماتخاف فترة وكل شي بكون منيح المهم انت تعرف تتصرف وتكون مسؤول وحكيم ولاتخلي شي يأثر عليك سلبا ..
عاطفيا .. الوضع شاغلك وخاصة انو ماعم تعرف تحس بامان بعلاقتك العاطفية ..
■النسبة المئوية :
●مهنيا : %64 ●ماليا : %62 ●عاطفيا : %65 ●صحيا : %58

#العقرب

اوضاعك جيدة وفي شي بيدعمك ..
الفترة الحالية فيها احداث بتدعمك اذا عرفت كيف تستغلها وخاصة انو في شي منيح على صعيد العيلة والعاطفة وفيك تغير من وضعك تدريجيا الك ورغم بعض القلق الصحي لكن ماتخاف امورك بخير ..
عاطفيا .. انت بافضل فترة على صعيد العاطفية لتحسن من وضعك فاستغل هللشي ..
■النسبة المئوية :
●مهنيا : %85 ●ماليا : %83 ●عاطفيا : %88 ●صحيا : %81

#القوس

وضعك بالبيت ومع المقربين شاغلك بيومك ..
بعدك مو كتير رايق وحاسس بانك مسؤول اكتر عن عيلتك او عم تغير مكانك وهالقصص بدها منك انتباه وفي التزامات واهل وصحة او عم تفكر اليوم ببيتك وبصحة حدا من الاهل مشان هيك روق ..
عاطفيا .. الوضع العاطفي عندك ماكتير مستقر هالفترة رغم انو جايتك ايام حلوة فانتظر ..
■النسبة المئوية :
●مهنيا : %67 ●ماليا : %66 ●عاطفيا : %69 ●صحيا : %61

#الجدي

كتير ناس بتتواصل معك وفي تغيير ..
الامور عندك عم تتحرك بهيك يوم ولازم تعرف منيح شو بدك تشتغل وكيف تتصرف وفي اتصالات وناس عم تحكيك وانت مصدر قوة لبعض الاشخاص فلا تضعف وخليك مع عيلتك ..
عاطفيا .. بدي منك تصرف صح وتعرف كيف تعزز علاقتك بهيك يوم بيدعمك ..
■النسبة المئوية :
●مهنيا : %75 ●ماليا : %76 ●عاطفيا : %81 ●صحيا : %73

#الدلو

عندك شي مالي ومصاريفك بتزيد ..
الوضع العام عم يكون في تحسن هالفترة لكن الامور المالية بعدها عم تشغلك هاليوم ولازم تعرف كيف تعمل علاقات اوسع واكتر شي عم تفكر فيه هو المال او انك تعيد حساباتك ويمكن تحس بالكسل الصبح ..
عاطفيا .. انت بوضع جيد عاطفيا وحتى جاية الايام باخبار ممكن تفرحك خلال الفترة القريبة ..
■النسبة المئوية :
●مهنيا : %71 ●ماليا : %79 ●عاطفيا : %75 ●صحيا : %72

#الحوت

اخبار حلوة عندك وطاقتك عم تزيد ..
يعتبر وضعك افضل بكتير وامورك يوم عن يوم عم تتحسن وفترة ايجابية عم يكون فيها خيارات جديدة عندك ويوم مميز لحتى تنجح وتطلع من تعبك واستغل دعم المحبين الك وماليا كمان في مال ..
عاطفيا .. فيك تغير من حالتك تدريجيا وتحسن من وضعك العاطفي بيوم بيدعمك بتواصل كتير ايجابي ..
■النسبة المئوية :
●مهنيا : %92 ●ماليا : %88 ●عاطفيا : %86 ●صحيا : %83

ملاحظة: هذه التوقعات  حسب مانشرها الفلكي منيب الشيخ على صفحته الشخصية على الفيس بوك .

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

إغلاق