ابراج

توقعات الأبراج ليوم الأحد 15 مارس 2020

توقعات الأبراج ليوم الأحد 15 مارس 2020

#الحمل

عم تصل للنجاح وتحصل راحة نسبية ..
يوم يمكن عم تفكر فيه بسفر او هجرة والقصص يلي كانت تاعبتك بالماضي هاليوم بتكون امورك افضل فيها بتقدر تنجح لكن هالفترة بشمل عام بدها حذر منك وانتباه من الحوادث وعندك مال خارجي ..
عاطفيا .. استغل حبك صح حاول تحافظ على علاقاتك وتعمل علاقات جديدة هاليوم ..
■النسبة المئوية :
●مهنيا : %87 ●ماليا : %83 ●عاطفيا : %88 ●صحيا : %85

#الثور

انت بفترة تحسن تصاعدي وعلاقات ..
بشوفك عم تاخد منحى تصاعدي نفسيا وحتى ماليا والامور يلي بتخص العلاقات والصداقات والناس عم تكون بافضل حال لترجع كل شي تمام بعد ايام كان فيها شوية مشاكل حتى عندك اخبار اوراق بتحصل عليها..
عاطفيا .. الوضع العاطفي عم يكون جيد وخاصة انو في جاذبية كبيؤة الك واوقات حلوة ..
■النسبة المئوية :
●مهنيا : %70 ●ماليا : %76 ●عاطفيا : %68 ●صحيا : %73

#الجوزاء

عندك شي مصيري بوترك وعقود ممكنة ..
عم تتوتر من قصص بدك تعملها وعم تلتقي باشخاص مهمة وعم يكون عندك رغبة بانو تعمل شراكة شغل مع شخص وبالمجمل لازم تكون هادي وتخفف مزاجيتك وتستوعب الكل ليمرق يومك على خير ..
عاطفيا .. لازم راحة نفسية قبل كل شي ولازم الشريك يستوعب تقلباتك المزاجية هاليوم ..
■النسبة المئوية :
●مهنيا : %67 ●ماليا : %64 ●عاطفيا : %61 ●صحيا : %62

#السرطان

عندك تواصل خارجي وتعب وشي صحي ..
الامور عندك بهاليوم عم تاخدك لكتير قصص لازم تعملها وحتى بتشوف ناس جديدة ويمكن شغل ومسؤوليات بيطلعولك ماكانو بالحسبان فرتبلي اوضاعك وانتبه كمان من موضوع صحي بيشغلك ..
عاطفيا .. في شوية قصص بالعاطفة بدها تفهم واهتمام من الشريك لتنحل ..
■النسبة المئوية :
●مهنيا : %69 ●ماليا : %62 ●عاطفيا : %60 ●صحيا : %59

#الأسد

وضعك المالي بيتحسن واخبار عاطفية حلوة ..
من الايام المناسبة لتكسب فيها مال بدون ماتكون ناطر هالشي وحتى على صعيد البيت وضعك افضل في حلول واخبار بتفرحك وبتستمتع بهيك يوم وبتقدر تغير من وضعك للافضل وبتحل قصة بتخص طفل ..
عاطفيا .. الاجواء العاطفية بهيك يوم عم تكون بافضل حالتها لترجع حب قديم وتعيش اجواء رومنسية ..
■النسبة المئوية :
●مهنيا : %84 ●ماليا : %86 ●عاطفيا : %88 ●صحيا : %85

#العذراء

في مواجهات بالشغل وبالييت وقصص بدها رواق ..
يومك عم يكون في بعض المواجهات مع المقربين بالشغل وحتى بالبيت ولازم تكون هادي وتستوعب الاهل بشكل صح وتفكر اكتر بتعزيز الشراكات والعلاقات بدون مايكون في مشاكل او مواجهات ..
عاطفيا .. وضعك العاطفي متقلب وخاصة هاليومين في شوية ضغط عليك بالعلاقة فهدي وانتبه ..
■النسبة المئوية :
●مهنيا : %64 ●ماليا : %60 ●عاطفيا : %67 ●صحيا : %61

#الميزان

يوم لتتحرك بشغل وتخلص امورك المهمة ..
فيك هاليوم تعمل اكتر من قصة وتخلص الشغل المتراكم فوق راسك وكمان عندك قدرة على التواصل وانتبه من حوادث السير وممكن تدخل شغل وبكون في عندك شي تستغلوا عبر السوشل ميديا ..
عاطفيا .. لازم تلاقي حالك عاطفية بهيك يوم وخاصة انو امكانية التواصل عم تكون افضل بكتير ..
■النسبة المئوية :
●مهنيا : %73 ●ماليا : %74 ●عاطفيا : %80 ●صحيا : %70

#العقرب

الاخبار ايجابية مهنيا وماليا عندك ..
انا عم شوف وضعك هالفترة عم يتحسن على صعيد المال والعلاقات والعيلة وفي اخبار ايجابية بتدعمك مهنيا بشغل او مشروع جديد وبتحس انو في اخبار عم تدعمك هالفترة لتغير وضعك فلا تقلق ..
عاطفيا .. الامور العاطفية بحاجة انك تحافظ اكتر على استقرار لتكمل تمام ..
■النسبة المئوية :
●مهنيا : %66 ●ماليا : %77 ●عاطفيا : %70 ●صحيا : %73

#القوس

الاوضاع افضل وعم تتحسن اوضاعك ..
عم تقدر تغير الأوضاع لصالحك وبكون عندك تحسن بالوضع العائلي بعد المشاكل يلي تعبتك وخاصة بالبيت وفي انفراجات وطاقتك بتزيد وحاول تغير الأمور لصالحك وفكر بحياتك وببدايات جديدو ..
عاطفيا .. عندك القدرة بانك تحسن من وضع علاقاتك وعم تحسم علاقة كانت تاعبتك ..
■النسبة المئوية :
●مهنيا : %91 ●ماليا : %82 ●عاطفيا : %87 ●صحيا : %85

#الجدي

روق هاليوم وانتبه من الحوادث ..
عم شوف يومك شوي متقلب ويمكن عم تحاول تتحرك وتعمل شي بس الظروف ماعم تساعدك او في مشكلة بالتواصل مع المحيطين فيك هالشي ابدا ماعم يريحك لكن يوم وبيمرق فلاتكبر الأمور وروق ..
عاطفيا .. يبدو ماعم تلاقي الشخص يلي يريحك ويعطيك الحب يلي بدك ياه ..
■النسبة المئوية :
●مهنيا : %66 ●ماليا : %60 ●عاطفيا : %58 ●صحيا : %62

#الدلو

عندك اصدقاء بتعمك وممكن مال ولقاءات ..
عندك كتي قصص ببالك ويمكن تحصل على مساعدة من صديق او تحسن من وضعك العام وفي اجواء اجتماعية ممكن تعيشها هاليوم فاستغل هالشي وتقرب من اشخاص بتحبن وعمول زياراتك ..
عاطفيا .. انت بتميل للصداقة اكتر من الحب بعلاقاتك لكن هاليوم بيدعم الحالتين عندك ..
■النسبة المئوية :
●مهنيا : %70 ●ماليا : %63 ●عاطفيا : %69 ●صحيا : %67

#الحوت

الامور العامة بتشهد احداث ولقاءات مصيرية ..
عم تعمل شي مهم وعم تشوف ناس الها قيمتها عندك باب للشهرة وعندك فرصة شغل جديد كل هي الامور لصالحك استغل هالشي وفكر كيف تعيد ترتيب امورك لتكون بافضل حال وحاول تثبت حالك للكل ..
عاطفيا .. عم تلاحقك نظرات اعجاب ومن اشخاص ماكنت بتتوقع تحكي معن فهي قصة بتدعمك ..
■النسبة المئوية :
●مهنيا : %71 ●ماليا : %64 ●عاطفيا : %69 ●صحيا : %73

ملاحظة: هذه التوقعات  حسب مانشرها الفلكي منيب الشيخ على صفحته الشخصية على الفيس بوك .

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

إغلاق