ابراج

توقعات الأبراج ليوم الثلاثاء 25 فبراير 2020

توقعات الأبراج ليوم الثلاثاء 25 فبراير 2020

#الحمل

رغم الفترة الصعبة لكن المسا تمام عندك ..
بتكون مو عبعضك وبتحس انو في اشخاص عملت معها منيح وقابلتك بالأذى فحاول تتجنب الناس بنهارك وتعامل مع الظروف يلي عم تصير بصبر واجلها ومن المسا بتتحسن ظروفك وبتسمع خبر حلو وبتفرج ..
عاطفيا .. عندك جمال طاغي هالفترة بس مو مرتاح بالنهار والمسا حاول تحسم امورك بالعلاقة ..
■النسبة المئوية :
●مهنيا : %84 ●ماليا : %80 ●عاطفيا : %78 ●صحيا : %82

#الثور

يوم لعلاقات جيدة ومناسبات وانتبه بالسهرة ..
عندك كتير اجواء حلوة ويوم عم يدعمك من ناحية الاجواء الاجتماعية والمناسبات يلي ممكن تحضرها او شغل مع رفقاتك بس هالشي مابكفي لأن اي غلط عم تعملو رح ينقلب عليك المسا قكون متفهم وهدي ..
عاطفيا .. يومك بالنهار مميز فحاول تكون رايق وبدي منك هدوء وعدم اتخاذ قرار مهم بعلاقتك لأن رح يأثر على نفسيتك ..
■النسبة المئوية :
●مهنيا : %69 ●ماليا : %60 ●عاطفيا : %68 ●صحيا : %62

#الجوزاء

اجواء شغل وعلاقات حلوة المسا..
بتكون قدام التزامات واجواء شغل مهمة لازم تكون حاضر وتثبت حالك وتنتبه من بعض المشاكل بنهارك وعندك فرص جديدة واذا بدك شغل بامكانك تلاقي هالشي والمسا انت افضل بالعلاقات واجواء اجتماعية ..
عاطفيا .. في حضور قوي الك والوضع عندك جيد والعيون عليك حاول تعيش برومنسية لأن عندك اجواء حلوة ..
■النسبة المئوية :
●مهنيا : %68 ●ماليا : %64 ●عاطفيا : %70 ●صحيا : %72

#السرطان

من افضل ايامك وعم تعمل شي جديد هالفترة ..
فترة حلوة الك وعندك فيها علاقات جديدة واجواء بتساعدك لتغير من وضعك وتتحرر من تعبك وكمان عندك بداية جديدة والمسا فرصة مهمة فكون منتبه من مخالفة القوانين وفكرة شغل ناطرتك ..
عاطفيا .. بتتحرك امورك العاطفية للافضل وفترة مهمة لتبلش حب جديد لتطلع من دوامة الماضي لتوقف تفكير سلبي وتعيش حبك ..
■النسبة المئوية :
●مهنيا : %78 ●ماليا : %83 ●عاطفيا : %77 ●صحيا : %75

#الأسد

غير من وضعك واستغل يومك ماليا وبعلاقات ..
عندك حركة وحضور ومال واحداث ايجابية عم تنطرك خلال هاليوم وبترتاح من حالة التعب وعندك تعاملات مالية بنهارك وبكون عندك افكار حلوة لتبلش من جديد وتتواصل براحة اكبر وتنجح بعلاقاتك المسا ..
عاطفيا .. يومك في عاطفة وعلاقات وكمان الاجواء حلوة وعاطفتك قوية فلاتسمح للأجواء السلبية تأثر على علاقتك ..
■النسبة المئوية :
●مهنيا : %81 ●ماليا : %73 ●عاطفيا : %78 ●صحيا : %70

#العذراء

بتكون مدايق بالنهار وبتتحسن اوضاعك المسا ..
عم تدايق من كتير قصص عم تحصل معك بالنهار وفي شي عم يخليك تنزعج من تصرفات البعض ويمكن في فكرة شغل وامور مالية شاغلتك وابتعد عن التشاؤم اما المسا فبتتعامل بامور مالية وبتحس براحة ..
عاطفيا .. ماتتسرع بشي وحاول تهدي وماعم تعرف تستقر لكن ممكن تروق بالنهار لتكون المسا افضل ..
■النسبة المئوية :
●مهنيا : %69 ●ماليا : %63 ●عاطفيا : %68 ●صحيا : %65

#الميزان

شغل كتير ناطرك وهدي بعلاقاتك المسا ..
نهارك عم يكون طويل وفي كتير قصص ولازم تعرف منيح شو تعمل وكيف تخلص الامور يلي متراكمة عليك وانتبهلي كمان لصحتك والمسا عندك فرصة لتتم شراكة لكن متوتر كتير فكون رايق ولا تواجه ..
عاطفيا .. مو رايق وماعم تتحمل كلام كتير وعتب او حتى مابدك تدايق اكتر من تعبك ولازم تروق بعلاقتك المسا ..
■النسبة المئوية :
●مهنيا : %64 ●ماليا : %62 ●عاطفيا : %65 ●صحيا : %67

#العقرب

الوضع العاطفي جيد وحتى في فرصة شغل ..
الامور عندك عم تكون كتير داعمة وبتحس انو في ناس معك عم تدعمك والحلول موجودة ولازم تكون عم تستغل فرصك وبتحس الظروف عم تساعدك وكمان المسا عندك شي صحي وممكن شغل يزيد مسؤولياتك ..
عاطفيا .. لاتخاف يوم جيد فاستغل نهارك لتعزز علاقة جديدة او ترجع قديمة وانتبهلي للمسا ولا تخلي حدا يستفزك ..
■النسبة المئوية :
●مهنيا : %79 ●ماليا : %80 ●عاطفيا : %87 ●صحيا : %74

#القوس

مدايق بنهارك وبالبيت مشاكل والمسا تمام ..
ماعم تكون راضي عن وضعك بالبيت وعندك شوية قصص مالية شاغلتك كمان وعم تفكر بامور عاطفية ويوم عم يشغلك فيه الأهل وهالشي عم يوترك لكن المسا امورك افضل بكتير واوقات واخبار حلوة ناطرتك ..
عاطفيا .. هدي بنهارك وانتظر لأن ممكن المسا يرجعلك حب او تتم خطبة واستغل هاليوم لتحسن علاقتك بالسهرة ..
■النسبة المئوية :
●مهنيا : %74 ●ماليا : %77 ●عاطفيا : %75 ●صحيا : %78

#الجدي

يوم للحركة والتواصل والعيلة ..
عم تقدر تتواصل وتعمل شي جديد لكن وضعك بالييت او مع حدا من المقربين منك عم يتعرض لسوء تفاهم وعندك علاقات جديدة وممكن البعض عم يفكر بسيارة جديدة او موبايل وانتبه لعيلتك ومن الحوادث..
عاطفيا .. وضعك العاطفي متقلب فعزز علاقتك وشوف الشريك بالنهار والمسا لا تتسرع وهدي بعلاقتك معو ..
■النسبة المئوية :
●مهنيا : %69 ●ماليا : %70 ●عاطفيا : %73 ●صحيا : %68

#الدلو

انتبه لصرفك الزايد وفكر بعلاقاتك المسا ..
بشوفك عم تتعامل بقصص مالية بعدك ويمكن عندك شغل جديد او مشروع وعم تدفع مال على قصة معينة واحتمال تنعزم على اكل وسهرة واطمن في نجاح وتطور مهم ناطرك المسا والامور للافضل..
عاطفيا .. استغل يومك لان عم يكون حضورك حلو وطلتك مميزة وقادر تصل للاستقرار اذا بدك رغم كل شي..
■النسبة المئوية :
●مهنيا : %75 ●ماليا : %73 ●عاطفيا : %70 ●صحيا : %66

#الحوت

في احداث بتدعمك وعلاقات جديدة ومال ..
عندك علاقات جديدة بهاد اليوم وفي اخبار بتساعدك وبتعطيك ثقة اكبر بحالك لترجع مكانتك بين الكل وعم تعزز موقعك الاجتماعي ويوم مناسب للتغيير والمسا عندك أمور مالية بتشغلك وفكر بشغلك صح ..
عاطفيا .. استغل يومك عاطفيا وبدي منك تكون هادي وتعامل مع الشريك باهتمام حتى تحافظ على استقرار علاقتك ..
■النسبة المئوية :
●مهنيا : %83 ●ماليا : %87 ●عاطفيا : %85 ●صحيا : %81

ملاحظة: هذه التوقعات  حسب مانشرها الفلكي منيب الشيخ على صفحته الشخصية على الفيس بوك .

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

إغلاق