ابراج

توقعات الأبراج ليوم الخميس28نوفمبر2019

توقعات الأبراج ليوم الخميس28نوفمبر2019

#الحمل

يوم للقاءات وناس كتير وسفر وشغل ..
بهاليوم الخيارات مفتوحة واشخاص كتير عم تتعرف عليها وعم تفكر بسفر وغير بوضعك وبعد الضهر في لقاءات بأشخاص مهمة وبكون في تفكار لشغل جديد وكمان ماتخالف القوانين واكيد العيون عليك فانتبه ..
♡عاطفيا : انت لازم تعرف شو بدك وتطورات بالعلاقة بتخليك تغير تعاملك والشريك ماعم يقدر كل شي عم تساويه ..
■النسبة المئوية :
●مهنيا : %75 ●ماليا : %77 ●عاطفيا : %72 ●صحيا : %69

#الثور

عندك التزامات مالية ووضعك عم يتحسن ..
ببلش نهارك بكتير قصص ويمكن عم تحصل على مال وبعد الضهر بتصير علاقاتك افضل بكتير وبتتحسن اوضاعك وممكن تطلع جواز سفر هاليوم كمان ممكن تتلقى اتصالات بعيدة وتفكر ببداية دراسة جديدة ..
♡عاطفيا : كون حاسم وحاول تصلح علاقتك بالشريك ومن الايام الجيدة لحب جديد او لتحسين وضع قلبك ..
■النسبة المئوية :
●مهنيا : %75 ●ماليا : %80 ●عاطفيا : %78 ●صحيا : %81

#الجوزاء

مو مرتاح بس بتختم نهارك افضل وفي مال ..
بتحس بانك مدايق من كل الناس يلي حوليك وبدك حل وعم تنفعل وتعصب ومزاجيتك زايدة الصبح فهدي وحاول تعمل شراكة وبعد الضهر حاول تفكر بمورد مالي وكمان عندك فرصة لمصالحات وبترتاح فهدي ..
♡عاطفيا : ماعم تعرف ترتاح وصار بدك حلول وحدا يفهمك وخاصة انك عم تحس انو انتهى كل شي ..
■النسبة المئوية :
●مهنيا : %67 ●ماليا : %70 ●عاطفيا : %66 ●صحيا : %68

#السرطان

في بداية شغل جديد وتعب صحي ممكن ..
هاليوم عم تشغلك قصة صحية يمكن وبدك تعرف كيف تنظم نهارك بشكل جيد وبعد الضهر عم يكون في فرص عندك لتتم شراكات جديدة وحاول تختار الشريك صح وانتبه وكون دبلماسي وهدي هاليوم ..
♡عاطفيا : مو عبعضك من يلي حوليك لكن انت لاتصعبا وماتعطي اهمية لكلام حدا وارتباط وارد للبعض ..
■النسبة المئوية :
●مهنيا : %65 ●ماليا : %62 ●عاطفيا : %67 ●صحيا : %60

#الأسد

يوم في حظ لشغل جديد وحتى عاطفة ..
بتكون ببداية نهارك قدام حظ منيح على صعيد علاقاتك وشغلك وبتجيك فرصة لشغل اريح الك وبعد الضهر بدي منك تنتبه شوي لصحتك وتبلش نظام غذائي وفكر كيف تنظم الفترة الجاية ..
♡عاطفيا : العاطفة بتدعمك وكتير امور عم تتغير بعلاقتك لكن انت عليك انو تكون حكيم واعطي فرصة للأيام توضحلك ..
■النسبة المئوية :
●مهنيا : %73 ●ماليا : %69 ●عاطفيا : %72 ●صحيا : %66

#العذراء

عندك قصص بالبيت وبعد الضهر وضعك تمام..
عم تفكر كتير بقصص البيت والاهل والعيلة وبدك تلاقي حلول لقصة عقارية اطمن من بعد الضهر بتتحسن اوضاعك وبتسمع شي يريحك وممكن تحصل على مال من بيع او شراء عقار وتحل مشكل بالبيت ..
♡عاطفيا : هدي بنهارك وحاول تستغل يومك لترجع علاقتك بحب قديم او لتحب من جديد وبالحالتين انت أفضل ..
■النسبة المئوية :
●مهنيا : %74 ●ماليا : %78 ●عاطفيا : %81 ●صحيا : %68

#الميزان

نهار لعلاقات ومسا للعيلة ..
ببلش نهارك بكتير لقاءات وبتكون قادر تتحرك وتتواصل مع اكبر عدد من الناس وبتهتم باخ عندك وانتبه من الحوادث وبعد الضهر بتشغلك امور البيت والعيلة وبكون في قصة عقارية بتناقش فيها اهلك يمكن ..
♡عاطفيا : استغل نهارك لتحسن علاقتك وعم تنزعج من أقل كلمة من الشريك وحتى هو صاير مهمل وماعم يقدر ظروفك ..
■النسبة المئوية :
●مهنيا : %68 ●ماليا : %67 ●عاطفيا : %69 ●صحيا : %60

#العقرب

بيجيك مال وبتتحسن علاقاتك بعد الضهر ..
انت بيوم في كتير فرص مالية منيحة الك ويمكن بتقدر تبدا مشروع جديد وبعد الضهر بتكون عم تطلع وتفوت وتشوف ناس وتتلقى اتصالات وممكن موبايل او سيارة جديدة وسفر او مشوار للبعض ..
♡عاطفيا : امورك العاطفية بتتحسن تدريجيا وناطرك كتير أخبار حلوة اذا عرفت تتعامل مع الشريك بهيك يوم ..
■النسبة المئوية :
●مهنيا : %74 ●ماليا : %75 ●عاطفيا : %79 ●صحيا : %70

#القوس

نهارك حلو وبعد الضهر لتفكر بمال وهدايا ..
عندك الحضور والثقة والقدرة على قلب الأمور بنهارك من وبعد الضهر يومك عم يدور ضمن اخبار مالية يعني عم تعيد حساباتك يمكن تدايق من الملل الحاصل عندك بس اهم شي في مال وفرص شغل بتدعمك..
♡عاطفيا : خليك قريب من الشريك وحاول ماتسمح للبرود يدخل علاقتك ولاتخلي وضعك يأثر عليها ..
■النسبة المئوية :
●مهنيا : %83 ●ماليا : %84 ●عاطفيا : %80 ●صحيا : %82

#الجدي

انتبه الصبح وبتكون ضايج لتفرج المسا نسبيا ..
بدي منك تكون ىايق قد مافيك وتحاول تمرق كل شي وبعد الضهر بتتحسن طاقتك وبتحسن كتير من الأوضاع العالقة عندك فماتلتفت للماضي كل شي رح يكون معك فكر بنجاحك والفرص الجاية الك ..
♡عاطفيا : عم تنصدم بشخص ومن الايام المتقلبة وعندك اخبار حلوة عاطفية ممكن تسمعها المسا ..
■النسبة المئوية :
●مهنيا : %80 ●ماليا : %77 ●عاطفيا : %84 ●صحيا : %75

#الدلو

نهارك في علاقات ولقاءات وانتبه المسا ..
عم شوفك بوضع جيد مع رفقاتك وبأجواء حلوة اجتماعية الصبح بس من بعد الضهر بدي منك تكون منتبه وكمان لازم تهدى وماتعمل شي ليمر هاليوم على خير وانتبه صحيا ومهنيا وحاول تعرف شو بدك منيح ..
♡عاطفيا : فكر منيح وعيد حساباتك ولاتعتب على حدا مابيستاهل مشاعرك وفكر بشخص بيستاهلك ..
■النسبة المئوية :
●مهنيا : %67 ●ماليا : %61 ●عاطفيا : %66 ●صحيا : %60

#الحوت

وضعك حساس وفي شغل والمسا لقاءات حلوة ..
بدي منك تعرف تتصرف ببداية نهارك وتحصل على المكانة يلي بتطمح الها بشغلك وبعد الضهر فكر منيح انو تطلع وتشوف رفقاتك او تعمل زيارة الك وتكون بعزيمة وتطلب مساعدة اذا احتجتا ورح تتلبى ..
♡عاطفيا : حضورك حلو ويوم جيد عم تكون مميز بحضورك وكتير اشخاص مهتمين فيك هاليوم ..
■النسبة المئوية :
●مهنيا : %77 ●ماليا : %66 ●عاطفيا : %75 ●صحيا : %73

ملاحظة: هذه التوقعات  حسب مانشرها الفلكي منيب الشيخ على صفحته الشخصية على الفيس بوك .

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

إغلاق