ابراج

توقعات الأبراج ليوم الثلاثاء 18 فبراير 2020

توقعات الأبراج ليوم الثلاثاء 18 فبراير 2020

#الحمل

يوم في ناس جديدة والاضواء عليك ..
عم تدخل يوم بيدعمك بالعلاقات وعم تقدر تغير وضعك للافضل وخاصة الصبح ومن الضهر لازم تكون جاهز وقد المسؤولية وتنجز كل شي بدقة عالية بدون ماتخالف القوانين ويمكن شهرة واضواء للبعض ..
❤️عاطفيا : العيون عليك وانت ملفت بحضورك وتطورات عاطفية منيحة بتحتاج منك عدم التسرع وانو تختار الأريح لقلبك ..
■النسبة المئوية :
●مهنيا : %78 ●ماليا : %66 ●عاطفيا : %74 ●صحيا : %69

#الثور

لاتتسرع وانتظر اخبار مالية وتغييرات ..
يوم ايجابي الصبح عم تحل بعض المشاكل يلي كانت شاغلتك وتكون افضل كمان ومن الضهر ممكن تتعرف على شخص جديد وترتاح معو وممكن كمان تطور امورك بالشغل وتسافر وتتواصل مع ناس كتير ..
❤️عاطفيا : استغل يومك لأن عندك اجواء حلوة وبدي منك تفكر بتجديد بقلبك وخاصة بعلاقتك ويمكن في شخص جديد عم يكون ناطرك ..
■النسبة المئوية :
●مهنيا : %74 ●ماليا : %80 ●عاطفيا : %79 ●صحيا : %78

#الجوزاء

لاتزعج حالك وانفراجات من الضهر ..
بعرف انك ابدا مو مرتاح ببداية النهار وخاصة اذا الجو العام متوتر كتير ومن الضهر يومك عم يكون افضل وتحسن تدريجي عندك يمكن تحصل على مال من شراكة او ميراث وعم تحل مشكلة وترتاح بشكل كبير ..
❤️عاطفيا : روق شوي واطمن في تحسن واوضاعك افضل وتطورات بتريحك لتتقرب من الشريك ..
■النسبة المئوية :
●مهنيا : %65 ●ماليا : %66 ●عاطفيا : %70 ●صحيا : %68

#السرطان

عندك تعب وضغط ومواجهات فخليك دبلماسي ..
من الايام يلي عم تفكر فيها بالتغيير بدك تحسم امورك على صعيد شغل وحتى شراكات والصبح في تعب وصحيا مو مرتاح ومن الضهر عندك توتر بعلاقاتك فحاول تهدي الوضع وفكر اكتر بشراكة جديدة او شغل ..
❤️عاطفيا : بدي منك تروق وخاصة اذا مافي حدا عم يفهمك بهاليوم ويمكن يكون في شراكة جديدة ..
■النسبة المئوية :
●مهنيا : %67 ●ماليا : %61 ●عاطفيا : %68 ●صحيا : %63

#الأسد

عندك تطورات ايجابية لشغل وحظ وعاطفة ..
استغل يومك وخاصة الصبح لان في عندك الحظ والدعم الكبير من المحيطين فيك ومن الضهر عندك كتير شغل لكن انت قادر تخلص كل شي بوقتو وفكر بعقد شراكة ممكن ولازم تنظم وقتك وتنتبه لصحتك ..
❤️عاطفيا : بداية يومك حلوة ولازم تخبر الشريك عن ظروفك وهو لازم يفهمك ويكون حدك ..
■النسبة المئوية :
●مهنيا : %71 ●ماليا : %66 ●عاطفيا : %75 ●صحيا : %64

#العذراء

الوضع العائلي والعاطفي والصحي بيتحسن عندك ..
صح بداية النهار عندك فيها كتير ضغط من عيلتك او عم تغير مكان وبكون في تعب لكن من الضهر بتتحسن امورك بشكل كبير وفيك تحل مشاكل كانت تاعبتك وفي فرص بتغيرلك وضعك للأفضل كمان ..
❤️عاطفيا : مو كتير راضي صباحا وقلق بعلاقتك لكن من الضهر بتتغير الامور عندك وحتى ممكن شخص يرجع يحكيك من الماضي ..
■النسبة المئوية :
●مهنيا : %78 ●ماليا : %80 ●عاطفيا : %85 ●صحيا : %83

#الميزان

عندك يوم ايجابي وانتبه لبيتك وعيلتك ..
عم تدخل يوم في كتير اتصالات حلوة واجواء ايجابية خاصة الصبح وبكون عندك لقاءات بتدعمك مهنيا ومن الضهر عم يكون في قصة ببيتك عم تشغلك مابعرف اذا بدك تصلح شي او تبيع عقار او حتى شي صحي..
❤️عاطفيا : عم تكون اوضاعك جيدة هاليوم وبتشوف شخص بتحبو وتأكد انو رحوتسمع اخبار حلوة باتصال ممكن ..
■النسبة المئوية :
●مهنيا : %69 ●ماليا : %66 ●عاطفيا : %67 ●صحيا : %63

#العقرب

يوم بيدعمك بحلول مالية وبالييت وعلاقات افضل ..
عم يكون عندك تعاملات مالية ببداية نهارك وبدك تنهي بعض الامور وتعيد حساباتك ومن الضهر عم يكون فيك تطلع وتشوف ناس بتحبن وتلتقي بأشخاص جدد وتغير كل شي لصالحك والسفر بكون وارد ..
❤️عاطفيا : عندك اجواء حلوة ناطرتك فاستغل حضورك وحاول تحصل على ثقة الشريك بمشوار معو ..
■النسبة المئوية :
●مهنيا : %74 ●ماليا : %67 ●عاطفيا : %79 ●صحيا : %70

#القوس

بتتحسن اوضاعك ويمكن يجيك مال هاليوم ..
عندك كتير من العلاقات الجيدة وبتقدر تتواصل مع كتير ناس وفي اخبار حلوة بتسمعها ببداية نهارك ومن الضهر يمكن عم تبلش مشروع جديد وعم تفكر بشي مالي شاغلك ولاتفرد ايدك زيادة ومبلغ بتحصل عليه ..
❤️عاطفيا : الامور عندك بتدعمك هاليوم وعندك حضور حلو وعم تفكر تجيب هدية للشريك وتعزمو ..
■النسبة المئوية :
●مهنيا : %78 ●ماليا : %80 ●عاطفيا : %78 ●صحيا : %83

#الجدي

من الضهر يومك جيد وخاصة بالعلاقات ..
عندك يوم ببلش بشوية قصص بتدايقك ويمكن ماكتير تكون راضي صباحا عن وضعك ومن الضهر بترجع ثقتك بحالك قادر تحل الأمورك بهاليوم وتكون ملفت للكل والناس بتدعمك وعندك علاقات مهمة ..
❤️عاطفيا : لاتتسرع الصبح وروق مع الشريك ومن الضهر بتسمع صوت شخص غايب وبتحس انو كل شي احسن ..
■النسبة المئوية :
●مهنيا : %83 ●ماليا : %84 ●عاطفيا : %85 ●صحيا : %80

#الدلو

عندك نهار حلو بس انتبه المسا ..
انت بوضع جيد عم تكون الصبح وكتير اجواء حلوة بتجمعك برفقاتك وبناس جدد ومن الضهر حاول تبعد عن الاشخاص السلبيين بدي منك تنتبه من بعض العالم يلي عندك بوجهين وممكن شغل جديد بمؤسسة ..
❤️عاطفيا : خليك متفهم للشريك وحافظ على علاقتك ويبدو ماعم ترضى عن معاملتو معك بهاليوم ..
■النسبة المئوية :
●مهنيا : %66 ●ماليا : %61 ●عاطفيا : %68 ●صحيا : %64

#الحوت

بتتحسن اوضاعك مهنيا وبلقاءات وعزايم ..
صح ببداية نهارك بكون عندك بعض القصص يلي بتزعجك بالشغل وبالبيت لكن ماتخاف بتمرق ومن الضهر عم يكون يومك حافل باللقاءات الاجتماعية مع الاصحاب وقادر تطلب مساعدة من صديق غالي ..
❤️عاطفيا : يوم متقلب وعندك محبة من كتار فحاول تستغل حضورك بهاليوم لتحسن علاقاتك بمحيطك وتكون جاذبيتك عالية ..
■النسبة المئوية :
●مهنيا : %72 ●ماليا : %70 ●عاطفيا : %77 ●صحيا : %67

ملاحظة: هذه التوقعات  حسب مانشرها الفلكي منيب الشيخ على صفحته الشخصية على الفيس بوك .

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

إغلاق