ابراج

التوقعات الفلكية للابراج ليوم الثلاثاء 2019/08/06

توقعات ابراج ليوم الثلاثاء 06/ آب/2019 للفلكي منيب الشيخ.

الحمل

في عندك عقد شراكة والمسا اريح ماليا وبحلول ..
عندك شراكة وعقد مع شخص ومتوتر وماعم تكون مرتاح بتعاملك بالنهار وعم تنفعل بسرعة وفي استفزاز كبير من المحيطين الك لاتخاف بتمرق والمسا بتناقش امور مالية عندك وبترتاح من الضغط شوي..
عاطفيا .. تعامل مع مجريات الامور برواق وحاول ماترد على الكلام الاستفزازي من الشريك وارتباط للبعض ..
■النسبة المئوية :
●مهنيا : %65 ●ماليا : %62 ●عاطفيا : %68 ●صحيا : %64

 الثور

عندك مكان شغل جديد ومسؤوليات وتوتر ..
حاول تكون منظم وعم يكون يومك حافل بالقصص مشان هيك فكر بالضروري واهدى وحسن وضع شغلك ورتبو وكمان انتبه صحيا وفي فرصة لشراكات جديدة عندك بس انتبه تنهي شراكة عندك ضعيفة ..
عاطفيا .. عم تفكر يمكن بارتباط والأمور عندك عم يكون فيها كتير انزعاج من تصرفات الشريك ..
■النسبة المئوية :
●مهنيا : %61 ●ماليا : %60 ●عاطفيا : %62 ●صحيا : %65

 الجوزاء

يوم منيح لتعزز علاقاتك وانتبه صحيا المسا ..
عم تعزز علاقاتك هاليوم واطمن في لقاءات حلوة لكن الشي الأهم بأنو لازم تستغل الوقت بنهارك وتخلص المهم والضروري او تغيير بوضعك المهني فكون جاهز وانتبه لتراكم الامور ومن تعب صحي ممكن المسا ..
عاطفيا .. كتير من المغريات بعلاقاتك العاطفية وفي حب عم يكبر ويوم حلو عاطفيا واذا اعذب فرصة لحب جديد ..
■النسبة المئوية :
●مهنيا : %73 ●ماليا : %75 ●عاطفيا : %82 ●صحيا : %76

 السرطان

بتتحسن أوضاعك المسا عاطفيا وبتحل قصة بالبيت ..
يمكن عندك قلق نسبي بالبيت وعم يخليك تفكر بحلول الو وحاسس بانك ضايج لكن هاليوم عم يشهد تحسن كبير المسا بالحظ والوضع العام عندك بس دير بالك عأهلك وبيتك وكل شي رح يصير أفضل ..
عاطفيا .. عم تحس بعاطفة كبيرة تجاه شخص حاول تكون رومنسي لان يوم بيتطلب هيك خاصة المسا ..
■النسبة المئوية :
●مهنيا : %76 ●ماليا : %82 ●عاطفيا : %85 ●صحيا : %80

 الأسد

تطورات ايجابية وقصص عائلية فخليك جاهز ..
من الأيام يلي فيها تقلبات عندك واطمن عم يكون جيد يومك وكمان مميز بوجهة نظرك وحتى في فرصة لسفر قصير عندك لكن ممكن تنشغل بقصة بتخص احد الأخوة او الاهل حاول تكون متفهم لتنحل ..
عاطفيا .. عندك القدرة انو تجذب الناس الك بهاليوم ولقاء حلو عاطفي ممكن اذا بدك ..
■النسبة المئوية :
●مهنيا : %75 ●ماليا : %69 ●عاطفيا : %72 ●صحيا : %70

 العذراء

وضع مالي شاغلك ولقاءات بتريحك المسا ..
انت بوضع صعب نسبيا ولازم تنتبه لوضعك المالي بهاليوم وفيك تشوف شو الك وشو عليك وتضب ايدك وتفكر بموارد جديدة للدخل عندك والمسا بتكون نشيط وبتتواصل مع ناس كتير عندك لتحسن وضعك ..
عاطفيا .. وضعك جيد لكن ماحدا عم يقدر مشاعرك متل مابدك وهالشي عم يزعجك ..
■النسبة المئوية :
●مهنيا : %74 ●ماليا : %70 ●عاطفيا : %75 ●صحيا : %74

 الميزان

يومك جيد وممكن يحملك مال وشغل ..
حاول تستغل هاليوم ببدايتو وعندك الطاقة والحظ وعم تقدر تأثر بشكل كبير على محيطك وتحل مشاكلك وتغير الأمور لصالحك وفرص عندك ببدايات جديدة وكمان بتعيد حساباتك المالية وخفف مصروفك المسا ..
عاطفيا .. معنويات عالية عندك فيك تخلص من ماضي تعبك وتبدا بحب جديد إذا بدك ..
■النسبة المئوية :
●مهنيا : %86 ●ماليا : %87 ●عاطفيا : %82 ●صحيا : %80

 العقرب

بتتحسن وبتتغير أوضاعك المسا فهدي بالنهار ..
عندك قصص زاعجتك بالشغل ويبدو كتير عالم عم تدايقك وماعم تكون راضي ببحر النهار والناس عم تزيدها عليك وفي تأجيل فحاول ماتعمل شي مهم الصبح وانتظر المسا يلي رح يشهد تحسن كبير ولقاء شغل ..
عاطفيا .. عم تحس بوحدة وماعم ترتاح لتصرفات الشريك وكأنو في شي عم يصير غريب والمسا منيح وضعك ..
■النسبة المئوية :
●مهنيا : %81 ●ماليا : %75 ●عاطفيا : %79 ●صحيا : %70

القوس 

الحظ أفضل بالنهار والمسا بتحس بوحدة ..
لقاءات بتسعدك مع ناس بتحبا بالنهاب وعم يكون يومك منيح بأجواء اجتماعية وحلو باللقاءات مع اشخاص جدد وبتحس بدعم كبير من الاصدقاء إلك وانتبه من مشاكل متوقعة بالسهرة وكون هادي حتى تمر ..
عاطفيا .. عم تكون ساحر بالنهار وكتير ناس حوليك وعندك حضور ملفت وقدرة على استيعاب الكل وهالشي بيمنحك اجواء حلوة ..
■النسبة المئوية :
●مهنيا : %65 ●ماليا : %70 ●عاطفيا : %67 ●صحيا : %60

 الجدي 

يوم لترقية وشغل واجواء اجتماعية المسا ..
خليك جاهز لاختبار الك هاليوم وبدي منك تكون منتبه بكل شي بخص الشغل لان في قصة بتتعلق بمخالفة قوانين عندك وجهز حالك للقاء شخص مهم واختبار أكيد وكمان المسا حضر حالك للقاء وعزيمة ..
عاطفيا .. الأجواء مو كتير مريحة عندك ومدايق وحساسيتك عالية بهاليوم فحاول تهدى ..
■النسبة المئوية :
●مهنيا : %73 ●ماليا : %64 ●عاطفيا : %67 ●صحيا : %70

الدلو 

بيتحسن وضعك بعلاقات جديدة سفر وشغل ..
انت عندك قاعدة شعبية قوية وبيدعمك هاليوم بقوة وفي كتير امور ايجابية لتغير شي ممكن تسافر وتتعرف على اشخاص جديدة وممكن تكون المسا على موعد مهم ومصيري فخليك جاهز لعقد شغل ممكن ..
عاطفيا .. يوم منيح لتعزز علاقتك بالشريك وفي كتير امور ايجابية عندك وطلتك غير شكل ..
■النسبة المئوية :
●مهنيا : %79 ●ماليا : %80 ●عاطفيا : %77 ●صحيا : %74

 الحوت

عندك يوم في مال وحلول ولقاءات جديدة ..
من الأيام الداعمة وعم يكون حضورك قوي وكتير من القصص والحلول الممكنة كمان ماليا ممكن تحصل على مصاري من شخص كان بينكن شراكة والمسا عم يكون مناسب لتحاكي ناس جديدة بحياتك ..
عاطفيا .. تطورات ايجابية عم تشهدها علاقتك وفي تحسن بعد فترة صعبة مريتو فيها ..
■النسبة المئوية :
●مهنيا : %76 ●ماليا : %82 ●عاطفيا : %76 ●صحيا : %80

ملاحظة:  هذه التوقعات  حسب مانشرها الفلكي منيب الشيخ على صفحته الشخصية على الفيس بوك .

مقالات ذات صلة

تعليق واحد

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

إغلاق